【客華雙語】駁二客庄黃昏市場開張 講客買菜玩出客庄味
客庄市場好好玩_駁二場／圖 客家委員會
號角新聞網／地方中心 報導
【客語版】
客家委員會26號在高雄駁二藝術特區舉辦「客庄臨暗市場蓋好尞」，主任委員古秀妃化身「賣菜頭家娘」，同大細朋友共快逛市場、講客買菜。活動邀請6到11歲細人仔擐等買東西个袋仔、帶等買菜錢自家行入市場，用客話問價數、買東西，還過結合客家美食、音樂展演同草坪野餐，分親子在輕鬆生趣个氣氛裡背感受客庄生活文化。
古主委現場同小朋友親切互動，鼓勵大家對客話相借問、問價數同講多謝開始，勇敢个撖客話用在生活裡背；看著市場个水蓮，佢乜同細人仔紹介美濃水蓮係仰仔種同仰仔收个，對日常个食材帶等細人仔來認識客庄物產同土地文化。
「講客買菜體驗」安排細人仔無世大人同佢做伴、自家逛市場，挑戰用客話同攤仔頭家問價數、買菜，還過認識客庄特色食材同傳統米食，分客話毋單淨在教室裡背學，還做得真正行入到生活來。活動總共安排3梯次買菜个體驗，分細人仔在互動个時節自然來偎兼客話。
現場乜準備有粄食、番豆豆腐、發粄這兜客家美食，還安排「來尞！客庄音樂DJ」、「虎姑婆同佢个朋友」、「超次元英雄 卡邦無限」這兜表演，還有親子電影院、草坪野餐這兜活動，打造融合客話、飲食同親子娛樂个客庄體驗。
客委會表示，市場毋單淨係買菜个地方，乜有在地飲食文化同人情味。除核這擺高雄駁二个期間限定活動，「買菜巴士Go」乜會持續帶等大細朋友深入各地特色客庄市場，在客話相借問、在地物產同市場个人情裡背，認識最偎兼日常生活个客家文化。
-------------------------------------
【華語版】
客家委員會今（26）日在高雄駁二藝術特區舉辦「客庄黃昏市場好好玩」，主任委員古秀妃化身「賣菜闆娘」，與大小朋友一起逛市場、講客買菜。活動邀請6至11歲孩童提著購物袋、帶著採買金獨立走進市場，以客語詢價、採買，並結合客家美食、音樂展演及草地野餐，讓親子在輕鬆有趣的氛圍中感受客庄生活文化。
古主委現場與小朋友親切互動，鼓勵大家從客語問候、詢價及道謝開始，勇敢把客語用在生活中；看到市場裡的水蓮，她也向孩子介紹美濃水蓮的生長與採收方式，從日常食材帶領孩子認識客庄物產與土地文化。
「講客採買體驗」安排孩子在沒有家長陪伴下自行逛市場，挑戰用客語向攤商詢價、買菜，並認識客庄特色食材與傳統米食，讓客語不只在課堂裡學，更能真正走進生活情境。活動共安排3梯次採買體驗，讓孩子在互動中自然親近客語。
現場也準備粄食、花生豆腐、發糕等客家美食，並安排「來尞！客庄音樂DJ」、「虎姑婆和他的朋友」、「超次元英雄 卡邦無限」等演出，以及親子電影院、草地野餐等活動，打造融合客語、飲食與親子娛樂的客庄體驗。
客委會表示，市場不只是採買的地方，更承載著在地飲食文化與人情味。除了此次高雄駁二期間限定活動，「買菜巴士Go」也將持續帶領大小朋友深入各地特色客庄市場，在客語招呼、在地物產與市場人情中，認識最貼近日常生活的客家文化。
